Яҡташыбыҙ, күренекле яҙыусы Фәрзәнә Аҡбулатова менән осрашыу

8 май  балалар моделле китапханаһы хеҙмәткәрҙәре 3-сө һанлы Акъяр күп профилле полилингваль мәктәбенең 6 һәм 7 класс уҡыусылары өсөн яҡташыбыҙ, куренекле яҙыусы Фәрзәнә Фәтих ҡыҙы Аҡбулатованың «Йәнйегет мажаралары» исемле китабының презентацияһын ойошторҙо.

Фәрзәнә Аҡбулатова журналист, Рәсәйҙең һәм Башҡортостандың Журналистар һәм Яҙыусылар союздары ағзаһы, Башҡортостан Республикаһының атҡаҙанған матбуғат һәм киң мәғлүмәт хеҙмәткәре, Халыҡтар дуҫлығы ордены кавалеры, Шәйехзада Бабич исемендәге дәүләт йәштәр премияһы лауреаты.

Талантлы яҙыусы Фәрзәнә Аҡбулатованың ижадын яратып уҡыусы әҙәбиәт һөйөүселәр өсөн был сара бик әһәмиәтле, мәртәбәле булды.

Осрашыу бик йәнле үтте, әҙибә үҙенең бала сағы, ғүмер юлын бәйән иткәндән һуң, «Йәнйегет мажаралары» китабы тураһында ҡыҫҡаса таныштырып үтте. Балалар ҙа үҙҙәрен ҡыҙыҡһындырған һорауҙарын яуҙырып торҙолар.

Осрашыу аҙағында башҡорт теле һәм әҙәбиәте уҡытыусыһы  Айгөл Рәсембәтова Фәрзәнә Аҡбулатоваға оло рәхмәтен белдерҙе, һаулыҡ, ижади уңыштар теләне.

Әҙәби сара балалар өсөн үҙе бер иҫтәлекле мөһим сара һәм әлбиттә күңелдәрендә оҙаҡ һаҡланасаҡ.